Mae Cynhadledd e-sgol yn dod ag athrawon ac ymarferwyr addysg ynghyd, gan gysylltu’r amrywiaeth sydd gan e-sgol a phartneriaid i’w gynnig yn ogystal â dysgu gan Siaradwyr addysgol.
Yn ystod y diwrnod, byddwch yn clywed am y gwahanol fentrau y mae e-sgol yn gweithio arnynt, gan gynnwys e-sgol yn y Cynradd, Carlam Cymru a’r addysgeg tu ôl cwrs dysgu hybrid. Bydd siaradwyr ac athrawon ar draws y meysydd yma yn rhannu eu profiadau a'u gwybodaeth o gyd-weithio gyda e-sgol. Yn ogystal, bydd cyfle i sgwrsio ac ymweld â nifer o stondinau gan sefydliadau amrywiol rhwng siaradwyr.
Siaradwr Gwadd
Dr Cynog Prys: Addysg Gymraeg yn yr Oes Ddigidol
Mae Dr Cynog Prys yn Uwch Ddarlithydd ym Mhrifysgol Bangor, lle mae'n arbenigo ym meysydd cymdeithaseg, polisi cymdeithasol a chynllunio ieithyddol.
Ei brif faes ymchwil academaidd yw astudio defnydd y Gymraeg ym mywyd pob dydd. Mae ei waith yn canolbwyntio ar sut mae’r cyhoedd yn defnyddio’r Gymraeg mewn amrywiaeth o barthau, gan gynnwys y sffêr ddigidol. Mae un o’i brif ddiddordebau ymchwil yn ymwneud â dylanwad technoleg ar ddefnydd iaith gan siaradwyr Cymraeg, a’r modd y mae’r Gymraeg yn ymateb i newidiadau parhaus yn y dirwedd ddigidol. Yn ogystal, mae gan Dr Prys brofiad sylweddol o arloesi drwy ddatblygu adnoddau digidol cyfrwng Cymraeg, gyda'r nod o gyfoethogi profiad dysgu myfyrwyr prifysgol, colegau addysg bellach ac ysgolion uwchradd ledled Cymru.
Agenda
Mewn oes sy’n cael ei diffinio gan ddatblygiadau technolegol cyflym a chysylltedd byd-eang, mae dyfodol addysg yn dibynnu ar ein gallu i gydweithio ac arloesi. Mae’r panel deinamig hwn yn dod ag addysgwyr, technolegwyr ac arweinwyr meddwl ynghyd i archwilio sut mae arferion cydweithredol a thechnolegau sy’n dod i’r amlwg yn ail-lunio’r profiad dysgu. O ystafelloedd dosbarth digidol ac offer wedi’u pweru gan AI i bartneriaethau traws-sector a dylunio cynhwysol, byddwn yn archwilio strategaethau go iawn a syniadau gweledigaethol sy’n gyrru trawsnewid addysgol. Ymunwch â ni i ddarganfod sut y gall cysylltu meddyliau a defnyddio technoleg ryddhau posibiliadau newydd i ddysgwyr ym mhobman.
9:30yb: Cofrestru a phaned.
Mae cyfle i fynychwyr ymweld a’r stondinwyr rhwng siaradwyr.
10yb: Gair o Groeso: Llifon Ellis, Pennaeth Strategol e-sgol
10:15yb: Siaradwr Gwadd: Cynog Prys, Bangor University: Addysg Gymraeg yn y Byd Digidol
10:50yb: Egwyl: Paned a sgwrsio gyda’r stondinwyr
11yb: Cynradd: e-sgol yn y cynradd a’r ddarpariaeth Almaeneg, gyda Huw Davies, e-sgol a Louise Hutchinson, Ysgol Nant Y Groes.
11:45yb: Uwchradd: Cydweithio a Chyfleoedd yn y sector Uwchradd gyda Glenda Haf Jones a Stephen Williams, e-sgol, a Elfed Morris, Cydlynydd Consortiwm Addysg ôl-16 Gwynedd ac Ynys Môn.
12:30yp: Carlam Cymru: Diweddariad byr ar brosiect Carlam Cymru gyda Nia Mair Jones a chwrdd â dau athro i glywed sut maen nhw'n creu ac yn defnyddio'r adnoddau gyda'u dysgwyr.
1:15yp: Egwyl Cinio: Cinio a chyfle i sgwrsio, rhwydweithio ac ymweld a’r stondinau.
2yp: Sgwrs Banel: “Dolen a Dysgu: Cydweithio ac Arloesi i Drawsnewid Addysg” bydd pwnc y sgwrs gyda'n panelwyr.
3yp: Cloi.
Ymunwch â ni
Dyddiad: 09:30yb, dydd Iau,10 Gorffennaf 2025
Lleoliad: Canolfan Fusnes Conwy, Junction Way, Llandudno, LL31 9XX ↗
