Ymunodd Nia â thîm e-sgol ym mis Gorffennaf 2022. Nia sydd yn rheoli’r prosiect Carlam Cymru. Y prosiect cenedlaethol hwn yw’r gangen o e-sgol sy’n gyfrifol am gomisiynu, creu, cynnal a chadw casgliad o fideos sy’n cefnogi myfyrwyr gyda’u hadolygu. Ceir fideos ar dair lefel – TGAU, Uwch Gyfrannol a Safon Uwch – mewn amrywiaeth eang o bynciau, yn Gymraeg a Saesneg.
Mae Nia wedi gweithio ym myd addysg drwy gydol ei gyrfa – yn athrawes mewn ysgol gynradd, yn dysgu Saesneg i blant ac oedolion yng Nghatalwnia, yn cefnogi gwaith polisi ar gymwysterau yn Llywodraeth Cymru, ac yn rhan o dîm Marchnata Prifysgol Aberystwyth.
Yn ogystal â’i gwaith gydag e-sgol, mae Nia yn Diwtor Cymraeg rhan-amser gyda Dysgu Cymraeg, yn dysgu Cymraeg i oedolion ar-lein. Pan nad yw’n gweithio, mae Nia’n mwynhau cerddoriaeth (canu, a chanu’r piano a’r ffliwt), garddio, cerdded yn y mynyddoedd, dilyn celf a dysgu ieithoedd.
