Gwybodaeth i Rieni
Beth yw e-sgol?
Mae e-sgol yn brosiect sy’n cael ei ariannu gan Lywodraeth Cymru i gynorthwyo ysgolion mewn ardaloedd gwledig yn bennaf gyda’u darpariaeth chweched dosbarth a’u darpariaeth cyfrwng Cymraeg. Egwyddor ganolog e-sgol yw sicrhau bod dysgwyr, ble bynnag maent wedi’u lleoli, yn cael cyfleoedd i astudio pynciau nad ydynt ar gael yn eu hysgolion efallai.
Darperir y gwersi gan ddefnyddio dulliau dysgu cyfunol drwy gyfrwng Hwb. Defnyddir Microsoft Teams i gynnig y gwersi fel Amgylchedd Dysgu Rhithwir, a defnyddir Microsoft OneNote i greu nodiadau ac arnodi cyflwyniadau. Mae’r holl staff, athrawon, Technegwyr TG, a’r dysgwyr eu hunain yn cael hyfforddiant cyn i’r gwersi ddechrau, ac yna ar adegau niferus yn ystod y flwyddyn.
Wrth i’r plant symud o TGAU i Safon Uwch , mi all rhieni fod â llawer o gwestiynau am beth sydd orau ar gyfer eu plentyn. Sut mae gwersi e-sgol yn cyd-fynd â hyn? Gwyliwch y fideo canlynol:
Os oes gennych chi gwestiynau, ewch i Cwestiynau a Ofynnir yn Aml neu cysylltwch â ni ar ymholiadau@e-sgol.cymru.
Mae rhai pethau ichi eu hystyried wedi’u nodi isod:
- Bydd nosweithiau rhieni ac adroddiadau’n digwydd yn unol ag amseriad y calendr ysgol. Gallwch gymryd rhan yn y noson rieni drwy fideo.
- Gall rhieni dderbyn adroddiadau am weithgareddau wythnosol sy’n cael eu hystyried ar Teams.
- Bydd eich plentyn yn derbyn gliniadur (ac ysgrifbin) i’w defnyddio mewn gwersi, yn ogystal â gartref.
- Trwy ddefnyddio OneNote mi fydd gan eich plentyn fynediad at nid yn unig ei nodiadau’i hun, ond nodiadau’r athro hefyd.
Ewch i’n Astudiaethau Achos i ddarllen am brofiadau dysgwyr blaenorol.